अहिले भर्खरै राजधानीमा भयानक सवारी दुर्घटना, दुर्घटनामा परि २ जना विद्यार्थीको मृत्यु केहि घाइते

काठमाडौँ,राजधानीको महाराजगञ्जमाभयानक सडक दुर्घटना भएको छ ।दुर्घटनामा परी दुई विद्यार्थीको घटनास्थलमै ज्यान गएको छ भने केही पैदलयात्री घाइते भएका छन् । महाराजगञ्ज प्रहरी वृत्तका अनुसार विद्या संस्कार स्कुल थापागाँउको स्कुल बसले किचेर महाराजंगञ्जमा दुई जना एमडी पढ्दै गरेका विद्यार्थीको मृत्यु भएको हो । विद्यार्थी छोड्न गएको विद्या संस्कार स्कुलको बसले कान्ति वाल अस्पताल र त्रिवी शिक्षण अस्पतालको पछाडीको ओरालोमा अनियन्त्रित भएर सडकमा हिडिरहेका यात्रुलाई ठक्कर दिएको थियो । 

ठक्करबाट एमडी अध्ययन गर्दै गरेका प्युठान घर भएका सञ्जिव सुवेदी र भारत विहार घर भएका सति आनन्दको घटनास्थलमै मृत्यु भएको हो । घटनामा अन्य केहि बटुवा पनि घाइते भएका छन् । मृतक दुवैजना त्रिवी शिक्षण अस्पतालमा मेडिकल साइन्सका विद्यार्थी थिए । उनीहरुको शवलाई पोष्टमार्टमका लागि त्रिवी शिक्षण अस्पतालमै राखिएको छ । स्कुल बसका चालकलाई प्रहरीले नियन्त्रणमा लिएर घटनाबारे थप कारवाही अगाडि बढाएको छ ।

Labels: Breaking, feature, Photo