हाम्रो नेपालमा : यौन सम्पर्क गर्न खोज्दा नमाने पछी आमा छोरीको यसरी हत्या गर्यो
रौतहट । रौतहटमा यौन गर्न खोज्ने क्रममा आमाछोरीलाई एकै चिहान बनाइएको छ । यौन सम्पर्क गर्न खोज्दा नमानेपछि आमाछोरीको हत्या भएको हो ।
हत्यामा संलग्न रौतहटको चन्द्रपुर नगरपालिका–१३ का ५० वर्षीय राजेन्द्र दास तत्मालाई रौतहट जिल्ला अदालतले थुनामा राख्न आदेश दिएको छ ।
जिल्ला न्यायाधीश लक्ष्मीराम ढुंगानाको एकल इजलासले उनलाई पुर्पक्षका लागि थुनामा राख्न आदेश दिएको प्रहरीले जनाएको छ ।
राजेन्द्रले रौतहटकै हर्दिया पल्टुवा गाविस–३ की ३५ वर्षीया रेणुदेवी साह र उनकी ९ वर्षीया छोरी अंकिताको गत ४ पुसमा धारिलो हतियार प्रहार गरी हत्या गरेका थिए ।
मृतकका श्रीमान रामबालक साह वैदेशिक रोजगारीमा रहेका बेला हत्या भएको हो ।
0 comments
Write Down Your Responses
Note: Only a member of this blog may post a comment.