खबर अचम्म : भेँडाको आन्द्राबाट बनेको कण्डम पौने लाख रुपैयाँमा बिक्यो
कण्डमको मूल्य कम भन्दा कम राखिन्छ, ता की गरीब भन्दा गरीब मानिसहरुले पनि यो गर्भनिरोध तथा यौन सुरक्षाको साधन खरीद गरेर प्रयोग गर्न सकून् भनेर ।
तर यो दुनियामा एउटा कण्डमको मूल्य भने झण्डै पौन एक लाख रुपैयाँ सम्म पर्दोरहेछ । कण्डमको यो भाउ कल्पना भन्दा बाहिरको कुरा हो, तर हालै एउटा कण्डम यति महंगो मूल्यमा बिक्रि भएको छ ।
२ सय वर्ष पूरानो यो कण्डम झण्डै ७५ हजार रुपैयाँमा बिकेको हो । १८ औँ, १९ औँ सताब्दीतिर चल्तमा रहेको यो कण्डम भेँडाको आन्द्राबाट बनाइएको हो । यस्तै कण्डम सुँगुर, गाई तथा बाख्राको आन्द्राबाट पनि बनाइन्थ्यो । लिलामी भएको कण्डमको लम्बाइ १९ सेन्टिमिटर रहेको छ । फ्रान्समा फेला परेको यो कण्डम अनलाइन मार्फत लिलामीमा बिक्रि भएको हो ।
क्याटविकी नामक साइटमा भएको यो दुर्लभ कण्डमको लिलामीमा धेरै मानिसले यसलाई खरीद गर्न रुची देखाएका थिए । जसका कारण यसको मूल्य अनुमान गरिएभन्दा झण्डै दोब्बर बढि परेको हो ।नेदरल्याण्डको एम्स्टर्डमका एक व्यक्तिले यो कण्डम खरीद गरेका हुन् । ती व्यक्तिले प्रयोग गर्नका लागि हो वा के गर्नका लागि कण्डम किनेका हुन् त्यो थाहा भएन, क्याटविकीले भनेको छ ।
दुइ सय वर्षअघि प्लास्टिकका कण्डम निर्माण हुनुअघि सम्म यस्ता जनावरका आन्द्राबाट कण्डम बनाउने चलन थियो । यस्ता कण्डम निकै महंगा हुने भएकाले केवल धनी मानिसहरुले मात्र प्रयोग गर्थे ।
0 comments
Write Down Your Responses
Note: Only a member of this blog may post a comment.