दुखद खबर : ईराकमा एक नेपाली चेली बिचल्लीमा, चाँडो भन्दा चाँडो उद्दार गरी नेपाल फर्काई दिन नेपाल सरकारलाई आग्रह

ईराकमा एक नेपाली चेली बिचल्लीमा परेको खबर प्राप्त भएको छ। उक्त खबर परिवर्तनशिल सोंच (Mind apps Nepal) का अभियान्ता राम बियोगीले परदेशी खबरलाई उपलब्ध गराउनु भएको हो । भोजपुर जिल्ला, हसनपुर गा बि स वार्ड नं.-४ घर भएकी मनिषा राई बिचल्लीमा परेकी हुन् । उनले दुबईको कम्पनीमा जाने भनि एप्लाई गरेको तर उनलाई मिराकल म्यानपावर प्रा लि काठमाण्डौंका एजेन्ट बम बहादुर गुरुङले बिभिन्न प्रलोभन देखाई ४ महिना पहिले ईण्डिया हुँदै दुबई भएर ईराक पठाएको बताएकी छिन् । ईराक पुगेपछि प्रेमिका तामङले उनलाई रिसिभ गरेको र कम्पनीमा नभई घरमा काम गर्न लगाएको बताएकी छिन् । 

ईराकमा आइपुगे पछी प्रेमिका तामाङले घरमा काम गर्न पठाएको र त्यहाँ घर मालिकले दुर्ब्यबहार गर्ने हुनाले आफु त्यस घरमा बस्न नसकी जे होला होला भनि आज भन्दा १ महिना पहिले भागेर अहिले साथीकोमा बस्तै आएकी बताइन । काम गर्न सक्दिन कम्पनीमा आउँछु भन्दा प्रेमिका तामाङले ५ हजार डलर लिएर आईज नत्र तलाई मार्छु भन्ने धम्की दिएकोले त्यहाँ जान नसकेको पिडित बताउछिन् । नेपालबाट नै म कहिले नाम नसुनेको देश जान्न भन्दा एजेन्टले काम राम्रो छ, ६/७ घण्टा मात्र ड्युटी हुन्छ, ईन्टर्नेट फ्री हुन्छ, काम गर्न नसकेमा ३ महिना भित्र झिकाउछु भनि पठाएको तर अहिले नेपाल झिकाउ भन्दा ५ लाख तिर अनि निस्किन्छस् भन्छ, उनले अगाडी थपिन् । मनिषा हाल साथीको शरणमा रहेको र साथीको पनि काम नभएकोले खान बस्न समेत समस्या रहेको बताउछिन् । 

यस माथी घरको साहुले समेत मनिषलाई खोजि गरिरहेको र निजलाई खोजेर ल्याउनेलाई उचित पुरस्कार दिने भनेकाले आफु असुरक्षित भएको पनि उनले बताएकी छिन् । यति मात्र हैन, नेपालीहरुले नै आफुसँग प्रेम गर्न र यसो नगरे कम्पनीलाई भनिदिने जस्ता धम्की दिने हुनाले पनि आफु थप असुरक्षित रहेको निजले बताईन् । उनले आफुलाई चाँडो भन्दा चाँडो उद्दार गरी नेपाल फर्काई दिन परदेशी खबर मार्फत नेपाल सरकारलाई आग्रह गरेकी छिन् । उनलाई पठाउने एजेन्टहरुको सम्पर्क नंबरहरु निम्न प्रकार छन् । 

१, बमबहादुर गुरुङ नेपाल ९८१३९१६४३०, ९८१८७४२३२१ २, रोशन नाम गरेका डिल्लीका एजेन्ट ९८९९८४७३५४, ९८११६७३०९७ ३, सुबास नाम गरेको दुबईका एजेन्ट ००९७१ ५६३९३१२५८, ००९७११५५१६७४५७२ ४, प्रेमिका तामाङ ईराकका एजेन्ट ००९६४ ७५१२१८६७२४

श्रोत : परदेशी खबर

Labels: Breaking, feature, Prawas