दुखद खबर : मलेसियामा एक नेपाली युवकको सुतेकै ठाउँमा यसरी मृत्यु

फाल्गुन ४, २०७२- रोजगारीको शिलशिलामा मलेसियामा रहेका एक नेपाली युवकको मृत्यु भएको छ । लमजुङको दुराडाँडा गाविस ८, लाम्पाटाका २२ बर्षीय कृष्णबहादुर विकको मृत्यु भएको हो । साँझ खाना खाएर सुतेका कृष्ण सोमबार विहान अबेरसम्म नउठेपछि साथीहरुले उठाउने क्रममा उनी मृत भेटिएको पारिवारिक स्रोतले बताएको छ । 

कृष्णका कान्छी दिदी शोभा विकका अनुसार आइतबार साँझ ८ बजेसम्म कुराकानी भएको थियो । ‘साँझ ८ बजेसम्म कुराकानी भइरहेको थियो । सोमबार साँझपख हामीलाई घटना घटेको खबर आयो’ उनले भनिन् । शोभाका अनुसार भाइ कृष्ण मलेसिया गएको गत कार्तिकले १ बर्ष पुरा भयो । कृष्ण पहिलोपटक रोजगारीको शिलशिलामा मलेसिया पुगेका हुन् । काठमाडौंस्थित एमडी ओभरसिजमार्फत गएका उनी मलेसिएको एक कम्पनीमा सेक्युरिटी गार्डको रुपमा काम गर्दै आएको पारिवारिक स्रोतले बताएको छ । 

घरको माइँलो छोरा कृष्णको आमा, २ दिदी, १ दाइ र एक भाइ छन् । यसअघि गत पुस २७ गते विदेश गएको ३ महिनामै राइनास नगरपालिका ८, चक्रतीर्थ ढाँडखर्कका २८ बर्षीय कृष्णबहादुर विकको साउदी अरबमा मृत्यु भएको थियो ।

Labels: Breaking, feature, Prawas