- विदुर खतिवडा 

भाद्र १७, २०७२- 

रक्षा श्रेष्ठ 

ऐना भएन भने युवतीहरूको स्थिति कस्तो ? 

पानीबिनाको माछा जस्तै हुन्थ्यो, किनभने मैले जस्तै हरेक युवतीले उठ्नेबित्तिकै ऐना हेर्नुपर्छ । 

महिलाको पनि दार्‍ही जुँगा आउने भए के हुन्थ्यो होला ? 

महिलाहरू पनि फ्रेन्चकट, बोकेदार्‍ही, जुँगे, झुसुल्ले दार्‍हीमा देखिन्थे होला । बर्बाद नै हुन्थ्यो नि । 

लिपिस्टिक लगाउनेबित्तिकै एलर्जी हुने भए महिलाहरूले के गर्थे होलान् ? 

राम्री त हुनैपर्‍यो । औषधी खाएर भए पनि लिपिस्टिक लगाउन छोड्दैनथे होला, म त पर्मनेन्ट पेन्ट कलर लगाइदिन्थे । 

वाथरुममा नुहाउँदा–नुहाउँदै अचानक ढोका खुल्यो भने ? 

कस्तो–कस्तो प्रश्न हो ? म त आबुई भन्दै थचक्कै बस्थे । लाजले गर्दा कस्तो हालत हुन्थ्यो होला मेरो ? 

टुथब्रसको ब्रस फलामको हुने भए तपाईंको दाँतको हालत कस्तो हुन्थ्यो ? 

जीवनमा एक वा दुई पटक ब्रस गरिन्थ्यो होला, फलामले दाँतलाई ब्रस गरेको हो कि दाँतले फलामलाई गरेको हो थाहा हुँदैनथ्यो । अहिलेका टुथब्रस कम्पनी त टाट नै पल्टिन्थे नि । 

स्वीमिङ गर्दा गर्दै कस्ट्युम फुस्कियो भने के गर्नुहुन्छ ? 

म त पानीभित्रै लुकेर बस्छु अनि फुस्किएको कस्ट्युम खोज्छु । 

यदि चुम्बन गर्दा केश झर्ने रोग लाग्न थाल्यो भने ? 

बरु तालुखुइले हुन तयार छु तर चुम्बन गर्न छोड्दिनँ । 

तालुखुइले भए पनि ‘विग’ नपाइने हो र ? 

मेरो यो पनि विग नै त हो, तपाईं पो झुक्किनुभएछ । 

जिग्रीसँग डेटिङका बेला अचानक श्रीमान्सँग जम्काभेट भयो भने ? 

म त सुटिङको रिहर्सल गरिरा’छु भनेर ढाँट्थे । 

तपाईंको टाउको जोडेको नाङ्गो तस्बिर सोसल मिडियामा भाइरल भयो भने ? 

ए मलाई नै थाहा रहेनछ, मेरो रुप यस्तो हट एन्ड सेक्सी रहेछ भन्दै त्यो पोस्ट गर्ने व्यक्तिलाई धन्यवाद दिन्थें ।